Тропарь глас 5: Подвигом добрым свидетельства Христова подвизался еси,/ течение земнаго пути предивно скончав,/ веру истинную непорочно соблюл еси,/ ни во что же вменив козни духа вселукавого/ священномучениче Тихоне пребогате,/ моли Подвигоположника Христа/ подати нам крепости духовныя// во спасение душ наших. Ин тропарь, глас 3: Це́ркве Ру́сския сто́лпе непоколеби́мый, благоче́стия пра́вило, жития́ ева́нгельскаго о́бразе, священному́чениче Ти́хоне, Христа́ ра́ди пострада́вый да́же до кро́ве, Его́же моли́ усе́рдно, я́ко Нача́льника и Соверши́теля спасе́ния, Русь Святу́ю утверди́ти в Правосла́вии до сконча́ния ве́ка. Кондак глас 2: Тихостию Божественнаго Духа украшен еси,/ шествовал путем архипастырского служения,/ яко Добрый Пастырь душу свою за овцы стада Христова положил еси,/ кровию своею аки живительною влагою землю Воронежскую напоив,/ указал еси нам верен путь ко спасению,/ по нему же шествовати неуклонно ны научи,// Тихоне священномучениче преславне. Ин кондак, глас 2: Восхва́лим, ве́рнии, изря́днаго во святи́телех и сла́внаго в му́ченицех Ти́хона, Правосла́вия побо́рника и благоче́стия ревни́теля, земли́ Ру́сския кра́сное прозябе́ние, и́же страда́нием Небесе́ дости́же и та́мо те́пле мо́лит Христа́ Бо́га спасти́ся душа́м на́шим. Величание: Велича́ем тя,/ священному́чениче Ти́хоне,/ и чтим честна́я страда́ния твоя́,/ я́же за Христа́ во утвержде́ние на Руси́ Правосла́вия// претерпе́л еси́.
Служба священномученику Тихону (Никанорову), архиепископу Воронежскому, совершается по Минее дополнительной: "Служба общая священномученику Российскому ХХ века единому (текст утвержден решением Священного Синода от 26 января 2003 года, журнал № 88). Скачать текстовый файл можно по нижеприведенным ссылкам.